- Advertisement -

Қайырымдылық пен мейірімділікке, жақсылыққа үндейтін мереке

33

- Advertisement -

 Құрметті жамбылдықтар!

Сіздерді 1 Наурыз – Алғыс айту күнімен шын жүректен құттықтаймын!

Жыл құсындай болып жеткен көктемнің алғашқы мерекесі саналатын бұл күнді барша қазақстандықтар үлкен қуанышпен қарсы алады.

2016 жылдан бері тойланып келе жатқан Алғыс айту күні – барлық қазақстандықтарға арналған, қоғамдағы бейбітшілік пен келісімді, еліміздің бірлігі мен тыныштығын айшықтайтын жалпыұлттық мереке.

Бұл күн – тарихтың түрлі кезеңдерінде қазақ халқының бауырмалдығына бөленген түрлі этнос өкілдерінің қазақ жері мен қонақжай қазақ халқына деген терең тағзымының белгісі.

Мерекенің басты мәні – өскелең ұрпақты достық, бір-біріне деген құрмет пен отансүйгіштікке тәрбиелеу, еліміздегі ұлтаралық қарым-қатынасты нығайту.

Сондай-ақ, 1 наурыз – Қазақстан халқы Ассамблеясының – келісім және этносаралық өзара ықпалдасу институтының құрылған күні болып табылады.

Тәуелсіздік жылдарында ынтымақтастық пен өзара қамқорлық сияқты берік құндылықтар біріктіруші күшке айналып, еліміздің болашағына деген нық сенімін қалыптастырды.

Бүгінде біздің қасиетті Жамбыл жерінде 87 этнос, 75 этномәдени бірлестік өкілдері Ассамблея құрамында бірлік пен татулықта өмір сүруде. Біз ортақ шаңырағымыздың бірлігі – сарқылмас байлығымыз екендігін әрқашан ескеруіміз керек.

Баршамызды қайырымдылыққа, мейірімділікке, жақсылыққа үндейтін осынау мерекеде әр отбасыға бақ- береке, бейбіт өмір және табыс тілеймін!

Егемен еліміздің бірлігін нығайту мен берекесін еселеу жолындағы игілікті істеріңіз үшін баршаңызға алғыс айтамын!

Мемлекетіміз тыныштық пен татулықтың мәңгілік мекені ретінде өркендей берсін!

 

Нұржан НҰРЖІГІТОВ,

Жамбыл облысының әкімі.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support