ҚР Ішкі істер министрлігі «Қазақстан Республикасының Әкімшілік құқық бұзушылық туралы кодексіне адам саудасына қарсы іс-қимыл мәселелері бойынша өзгерістер мен толықтырулар енгізу туралы» заң жобасын әзірледі, деп хабарлайды Aq jol ақпараттық порталының тілшісі Zakon.kz. порталына сілтеме жасап.
Атап айтқанда, кодекске «Мемлекеттік медицина ұйымдары мен ұйымдардың лауазымды тұлғаларының жетім балалар мен ата-анасының қамқорлығынсыз қалған балалар, жаңа туған нәрестені тастап кету фактісіне жол бермеуі» деген жаңа бап енгізіліп жатыр.
Бұл бапты бұзғаны үшін әуелі ескерту жасалады. Бір жылда қайталанған факті үшін 10 АЕК (34 500 теңге) көлемінде айыппұл қарастырылған.
Тағы бір жаңа бапта жоғарыда аталған әкімшілік құқық бұзушылық туралы істерді баланың құқығын қорғау саласындағы уәкілетті орган қарайтыны көзделген. Дәл сол орган әкімшілік жаза қолданады.
Құжат 3 наурызға дейін қоғамда талқылануы үшін Ашық НҚА веб-сайтына жарияланған.
Биыл қаңтар айының соңында Таразда қалалық аурухананың екі медицина қызметкері сәбилерді саудалады деген күдікпен ұстағаны белгілі болды. Қазір тергеу жүргізіліп жатыр.
Comments are closed.