Жекешелендіруді жүргізу және квазимемлекеттік сектор субъектілерін бәсекелес ортаға беру барысы туралы ақпарат
«Жекешелендірудің 2021-2025 жылдарға арналған кейбір мәселелері туралы» Қазақстан Республикасы Үкіметінің 2020 жылғы 29 желтоқсандағы №908 қаулысына сәйкес Жамбыл облысы бойынша Жекешелендірудің 2021-2025 жылдарға арналған Кешенді жоспарына барлығы 33 ұйым енгізілген болатын, оның ішінде «Тараз» «ӘКК» АҚ-ның 5 ұйымы.
«Қазақстан Республикасы Үкіметінің «Ерекше стратегиялық маңызы бар, оның ішінде жалға және сенімгерлік басқаруға берілуі мүмкін су шаруашылығы құрылыстарының тізбесі туралы» 2017 жылғы 29 желтоқсандағы №933 және «Жекешелендірудің 2021-2025 жылдарға арналған кейбір мәселелері туралы» 2020 жылғы 29 желтоқсандағы № 908 қаулыларына өзгерістер мен толықтырулар енгізу туралы» Қазақстан Республикасы Үкіметінің 2022 жылғы 2 тамыздағы № 523 қаулысына сәйкес Жамбыл облысы бойынша 14 ұйым («Қордай су» МКК, «Жуалы-су» МКК, «Талас — таза су» МКК, «Сарысу сулары» МКК, «Байзақ су» МКК, «Аса-су» МКК, «Таза су-2014» МКК, «Жамбыл су» МКК, «Құлан- энерго жылу» КМК,«Шу-Жылу» МКК, «Жаңатас-су-жылу» МКК, «Игілік» көпсалалы кәсіпорны» МКК, «Қордай ауданы әкімдігінің тұрғын үй-коммуналдық шаруашылығы жөніндегі кәсіпорны» МКК және «Талас-Аса» МКК) алынып тасталды.
Жекешелендірудің 2021-2025 жылдарға арналған кешенді жоспарына барлығы 19 ұйым енгізіліп отыр, оның ішінде «Тараз» «ӘКК» АҚ-ның 5 ұйымы.
Бекітілген жол картасына сәйкес 9 ұйым сатылды, 2-еуі таратылды, 2 ұйымды тарату бойынша жұмыстар жүргізілуде.
2023 жылдың мамыр айында «Сарысу» газетінің редакциясы» ЖШС – 51 пайыз мемлекеттік қатысу үлесін, ал қараша айында 38,1 пайыз қатысушысы «Тараз» ӘКК» АҚ болып табылатын «Astana Food Storage» ЖШС сауда-саттыққа шығару жоспарланған.
2024 жылы 4 ұйымды сауда-саттыққа шығару жоспарлануда.
Электронды сауда-саттық өтуі туралы ақпаратпен «Мемлекеттік мүлік тізілімі» — www.gosreestr.kz веб порталы арқылы танысуға болады.
Жамбыл облысы әкімдігінің қаржы басқармасы.
Comments are closed.