Н. Назарбаев пен В. Путин телефон арқылы алдағы ҰҚШҰ ҰҚК мен Жоғары ЕЭК отырыстарын талқылады

АСТАНА. ҚазАқпарат - Мемлекет басшысы Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті, деп хабарлайды Ақорданың баспасөз қызметі.

Қазақстан мен Ресей Президенттері әңгіме барысында алдағы желтоқсанның 23-інде Мәскеуде өтетін ҰҚШҰ Ұжымдық қауіпсіздік кеңесінің сессиясы мен Жоғары Еуразиялық экономикалық кеңес отырысының күн тәртібін, соның ішінде Қырғызстанның Еуразиялық экономикалық одаққа қосылу мәселесін талқылады.

Екі ел көшбасшыларының әңгімесіне екіжақты ынтымақтастықты РФ мен ЕО арасындағы өзара санкцияларды ескере отырып дамыту жайы да арқау болды.

Сонымен қатар, Мемлекет басшылары қыс мезгілінің келуіне байланысты Украинадағы дағдарыстық ахуалға қатысты пікір алмасты.

Ақпарат көзі kazinform.kz