«Ынталы» су қоймасы және аудан аумағында орналасқан су айдындарында қауіпсіздікті қамтамасыз ету мақсатында ауданның төтенше жағдайлар бөлімінің қызметкерлері күн сайын профилактикалық рейдтер жүргізуде.
Профилактикалық рейдтің басты міндеті – халыққа мұзға шығу кезінде қауіпсіздік ережелерін сақтау өте маңызды екенін жеткізу, әсіресе бұл кәмелетке толмағандарға қатысты. Су қоймалары қазірдің өзінде мұзбен жабылған, бірақ балаларға мұзға шығу әлі де қауіпті. Сондай-ақ мұзда балық аулау әуесқойларының көпшілігі көлдің толығымен қатып қалғанына және алаңдайтын ештеңе жоқ екеніне сенімді. Алайда температураның өзгеруі мұз жамылғысының беріктігін төмендететіні анық. Патрульдеу кезінде профилактикалық әңгімелер мен халықпен кездесулерге, сондай-ақ жадынамаларды таратуға ерекше назар аударылады.
Аудандық төтенше жағдайлар бөлімі мынадай ережелерді сақтау қажеттігін тұрғындардың есіне салады:
– тыйым салынған жерлерде мұз үстінен өтпеңіз;
– көлік құралдарымен мұзға шығуға болмайды;
– қараңғыда және нашар көрінген кезде мұзға шықпаңыз;
– аяқпен мұздың беріктігін тексермеңіз;
– мұздың жекелеген жерлерінде топталып жиналмаңыз;
– балаларды қараусыз балық аулауға, шаңғы тебуге және коньки тебуге жібермеңіз;
– мас күйде мұзға шықпаңыз!
Балық аулауға (аң аулауға) кетер алдында жақындарыңызға өзіңіздің бағытыңыз бен орныңыз, қайту уақытыңыз туралы ескертіңіз. Бұл ақпарат қауіпті оқиғалар кезінде пайдалы болуы мүмкін. Естеріңізде болсын, жұқа мұзда жүру өмірге қауіп төндіреді. Құтқару қызметінің телефоны – «112».
Сарысу ауданының төтенше жағдайлар бөлімі.
Comments are closed.