Өнеркәсіп өркендей түсуде

– Биылғы он айда өнеркәсіп өнімі 62 миллиард 771 миллион 804 мың теңгені құрап, жоспар 102,9 пайызға орындалды. Инвестиция көлемі 23 миллиард 240 миллион теңгені құрады. Бөлшек сауда 1 миллиард 868 теңге болып, 106,3 орындалды. Шикізатты өңдеу, ірі өндірісті дамыту бағытында алдағы бес жылға инвестициялық даму жоспары жасқталған. Жалпы құны 891,1 миллиард теңгені құрайтын 13 инвестициялық жоба әзірленді. Біздің алға қойып отырған мақсатымыз Мемлекет басшысының тапсырмасын ойдағыдай орындап, қосымша жобаларды тарта отырып, инвестиция көлемін 1 триллион теңгеге жеткізу, – дейді аудандық әкімдіктің кәсіпкерлік және өнеркәсіп бөлімінің басшысы Оңласын Мұқашев. Ауданда бүгінде 3939 шағын және орта бизнес субъектісі тіркелген. Оның 3233-і белсенді қызмет жасап, өткен жылдың тиісті кезеңімен салыстырғанда 16,8 пайызға артыпты. Аудандық кәсіпкерлер палатасы арқылы 6 пайыздық жеңілдетілген несиелендіру бойынша барлығы 22 жоба мақұлданып, 133 миллион теңге қаржыға қол жеткізген. Сондай-ақ «КМҒ» МҚҰ» жауапкершілігі шектеулі серіктестігі Жамбыл филиалы Жаңатас бөлімшесі арқылы «Бастау бизнес» бағдарламасы арқылы аудан бойынша 870 миллион 185 мың теңге көлемінде 853 жобаға несие алған. Бөлім басшысы «Бизнестің жол картасв-2025» бағдарламасы аясында жыл басынан бүгінге дейін 6 пайыздық жеңілдетілген несиенің кепілдік беру тетігі және пайыздық ставканы субсидиялау арқылы 857 миллион теңгенің 110 жобасы іске асырылғанын да жеткізді. Мұнымен қоса, инфрақұрылым тарату тетігі бойынша 2 миллиард 415 миллион теңгенің екі жобасы жүзеге асып, 20 миллион теңгеге «Қызылжар шаруа қожалығына электр қуатын тарту» жобасының құжаты дайындалып жатқан көрінеді. Биыл 4,5 миллиард теңгеге «KazChemTradig» цемент зауытының құрылысы басталмақ. Зауыт толық іске қосылғанда 200 адам жұмысқа тартылатын көрінеді. Жалпы құны 356 миллиард 555 миллион теңгенің «ЕвроХим-Тыңайтқыш» ЖШС-нің екінші кезеңін іске қосу жүргізілуде. Іргелі өндіріс орны ашылғанда 1200 адам жұмысқа тартылмақ. 250 адам жұмыс істейтін 123, 5 миллиард теңгенің «КазахСода» зауытының құрылысы басталғанынан да шалғай өңірде өндірістің өркендей түскенін аңғарасың.  

Сарысу ауданы.