Жолдан адасқан жуалылықтар табылды

Жоғалған адамдарды іздестіруге жол талғамайтын «Трекол» көлігімен төрт өрт сөндіруші-құтқарушы, учаскелік полиция және бір жергілікті тұрғын шықты. Мезгілдің қою қараңғылығы мен боранның басталуы себепті ешнәрсе көрінбейтін жағдай туындағандықтан іздеу жұмыстары келесі күнгі таңертеңгі мезгілге шегерілді. Ал 16 қараша күні таңертең жарықта іздестіру жұмыстары қайта басталып, жоғалған адамдар сағат 10.35-те Шыңбұлақ ауылынан қырық шақырым қашықтықта табылды. Олар медициналық көмекті қажет етпеді. Құрметті тұрғындар! Әрдайым ауа райы болжамына назар аударып, қадағалауды ұмытпаңыздар. Қолайсыз ауа райы кезінде жолға шығуды кейінге қалдырған дұрыс. Мұндай жағдайда «Darmen» қосымшасын пайдалануға кеңес береміз.  

Облыстың ТЖД

баспасөз қызметі.