Қызметкерлермен дөңгелек үстел өтті
Қызметкерлермен дөңгелек үстел өтті
Аудандық төтенше жағдайлар бөлімінің және Құлан ауылындағы №10 өрт сөндіру бөлімінің жеке құрамының қатысуымен өткен жиында салауатты өмір салтын қалыптастыру, есірткісіз өмір және жыныстық қатынас арқылы берілетін жұқпалы аурулар, коронавирус инфекциясының алдын алу, артериалдық гипертензия және донорлық, шылым шегу мен алкогольді ішімдіктің адам өміріне зияны туралы сөз қозғалды. Мамандар салауатты өмір салтын ұстанудың маңыздылығына тоқталып, сонымен қатар сыбайлас жемқорлықтың алдын алу тақырыбында, радикалды діни ағымдар жайында сөз қозғап, тың ақпараттар айтты. Одан әрі полиция қызметкері мен жеке құрамға жол қозғалысы ережелері мен жолдағы қауіпсіздік шараларын сақтау жөнінде ескертіліп, жеке құрамнан сауалнама алынды. Жеке құрам өз кезегінде көкейдегі сауалдарына тиісті деңгейде жауап алды. Басқосуда төтенше жағдайлар бөлімінің бастығы, азаматтық қорғау подполковнигі Нұрболат Кадырханов әр тоқсан сайын өткізілетін осындай шаралардың пайдасы айтарлықтай екенін айтып, қонақтарға алғысын білдірді.
Мадияр ИСАЕВ,
аудандық №10 өрт сөндіру
бөлімінің бастығы.