Ауыл шаруашылығы өнімдерінің қолжетімділігін қамтамасыз ету мақсатында Тараз қаласындағы «Grand bazaar» сауда кешенінде ауыл шаруашылығы өнімдерінің жәрмеңкесі тұрақты түрде ұйымдастырылуда.
Бұл жолы жәрмеңкеге Байзақ, Жамбыл, Жуалы, Талас, Шу аудандары мен Тараз қаласы ауыл шаруашылығы тауар өндірушілерінің өнімдері жеткізілді.
Онда жалпы құны 34,0 миллион теңгені құрайтын 52,8 тонна ауыл шаруашылығы тауарлары ұсынылды. Оның ішінде 10,7 тонна ет (жылқы, сиыр, қой және тауық еті), 2,5 тонна шұжық өнімдері, 4,2 тонна сүт өнімдері, 6 мың дана жұмыртқа, 0,5 тонна кондитерлік өнімдер мен 2,4 тонна макарон өнімдері, 0,6 тонна балық, 2,0 тонна ұн, 1,6 тонна бал және 28,3 тонна жеміс-жидек пен көкөніс өнімдері болды.
«Aq jol»-Aqparat».
Comments are closed.