Мақсат – халықаралық ынтымақтастықты нығайту

Бес күнге созылған халықаралық шара барысында «Өзара іс-қимыл», «Іздеу» және «Эшелон» бойынша оқу- жаттығулары ұйымдастырылды. Мақсат – өзара әскери үйлесімділікті жетілдіріп, халықаралық ынтымақтастықты нығайту. Оқу-жаттығулардың ашылу салтанатына Ұжымдық Қауіпсіздік шарты ұйымы Бас хатшысының орынбасары Тахир Хайруллоев, Ұйымның Біріккен штабының бастығы, генерал- полковник Анатолий Сидоров, ұйымға мүше елдер мен қарулы күштердің өкілдері қатысқан болатын. Ұжымдық жедел ден қою күштері басшылығының құрамына Беларусь, Қазақстан, Қырғыз, Ресей және Тәжікстан Қарулы күштерінің өкілдері кіреді. Оған жетекшілік ету міндеті Қазақстан Республикасы Қарулы күштерінің десанттық-шабуылдау әскерлері қолбасшысының бірінші орынбасары, полковник Бауыржан Артықовқа жүктелген. Орталық Азия өңіріндегі ұжымдық қауіпсіздікті қамтамасыз етуге бағытталған оқу-жаттығу 26 қыркүйектен бастап өтіп жатқан болатын. Оларға ҰҚШҰ-ның жедел ден қою ұжымдық күштерінің маневрлерін көрсететін «Өзара іс-қимыл-2022», барлау күштері мен құралдары жұмылдырылған «Іздеу-2022» арнайы оқу- жаттығуы және материалдық-техникалық қамтамасыз ету бөлімшелері қатысатын «Эшелон-2022» кіреді. Бұл оқу- жаттығулардың нағыз тартысты кезі 6-7 қазанда өтті.

«Aq jol»-Aqparat».