Үш алтын, бір күміс, үш қола

Грузияның Тбилиси қаласында пара пауэрлифтингтен жастар және ересектер арасында Еуропаның ашық чемпионаты өтті. Чемпионатқа 30 елден 150-ге жуық спортшылар қатысты. Қазақстан Республикасының Ұлттық құрама команда сапында 6 спортшы ел намысын қорғаса, оның ішінде Жамбыл облысының дене мүмкіндігі шектеулі адамдарға арналған спорт клубынан 3 спортшы бақ сынады. Жарыс қорытындысы бойынша Жамбыл облысының спортшылары 3 алтын, 1 күміс, 3 қола медальға қол жеткізді. Атап айтқанда, Руслан Закривидорога жастар арасында 54 килограмда 1 алтын және үш тәсілдің қорытындысы бойынша күміс медальді иеленді. Ал Ерболат Кәрібай ересектер арасында бір қола медаль және жастар арасында 2 алтын медальді жеңіп алды. Ал әйелдер арасында 50 килограмда Айжан Берімқұлова қола медаль еншіледі. Облыс құрамасының бас бапкері Руслан Греев екенін айта кеткеніміз жөн.  

Есет ДОСАЛЫ