Журналистер жүлдегер атанды
Журналистер жүлдегер атанды
Бұл турнир аса тартысты өтті. Әдеттегідей Шу аудандық «Шу өңірі» газетінің бас редакторы Ерғали Қартайған бабында екенін байқатты. Ол алғашқы барлық қарсыласын ұтып, жартылай финалда «Egemen Qazagstan» газетінің облыстағы меншікті тілшісі Табиғат Абаилдаевтан басым түсті. Ал дене шынықтыру және спорт басқармасының маманы Серік Тәжібай өз кезегінде Самат Сатылғановты ұтты. Финалда Ерғали Қартайған Серік Тәжібайдан басым түсті. Ал үшінші жүлде Самат Сатылғановқа бұйырды. Сондай-ақ Табиғат Абаилдаев пен айтыскер Нұрлыбек Құрмановқа арнайы жүлде берілді. Ардагер журналистер арасында белгілі журналист Бекет Момынқұл жеңімпаз атанды. Іс-шараны Ерболат Байұзақұлы қорытындылап, барлық қатысушыларға алғыс айтып, жеңімпаз және жүлдегерлерді диплом, медаль және қаржылай сыйлықпен марапаттады.