Шу ауданында студенттер үйі ашылды

10

Шу қаласында “Студенттер үйі” ашылып, салтанатты түрде пайдалануға берілді. 

Ашылу салтанатына аудан әкімі Сәкен Арубаев арнайы қатысып, орта білім беру ошақтарының оқытушылары мен студенттерін көптен күткен қуаныштарымен құттықтады.

— Жаңа жатақханада 120 студентке арналған жатын орын бар екенін айта кеткен жөн. Сондай-ақ, мұндағы бөлмелер екі, үш және төрт адамға арналған жиһаздармен жабдықталған. Заманауи үлгідегі жатақханада студенттерге қажетті өзге де игіліктер қарастырылған.

Сәтін салса, биылғы оқу жылынан бастап жатақхана бөлмелері негізінен шалғай елді мекендерден келетін студенттерге берілмек. Ауданымызда Шу гуманитарлық колледжі мен Теміржол және Алмас колледждерінің барын ескерсек, жатақханаға деген сұраныстың да жоғары екенін аңғару қиын емес. Сол себепті де Гүлнәр Жүнісәлиеваның бастамасымен бой көтерген жатақхана өңір студенттеріне өте қолайлы болады деген сенімдемін,- дейді аудан әкімі Сәкен Арубаев.

Comments are closed.