Ол 1976 жылы Алматыда туған. «Тұран университетін бітірген.

Еңбек жолын 1997 жылы «Мәдениет мәселелері жөніндегі республикалық ғылыми орталықтың» әлеуметтік-экономикалық мәселелер секторының жетекші маманы болып бастаған. 1998-1999 жылдары — «Қазақстанның шағын бизнесі» журналында маркетинг жөніндегі маман. 2001-2005 жылдары — «Новости недели» РГ» ЖШС тілшісі. 2005-2006 жылдары — «Қазақстан» РТРК» АҚ – «Астана» ТРО филиалы Ақпараттық-талдау бағдарламалары дирекциясының Алматы бюросының шеф-редакторы. Әр жылдары жеке ұйымдарда басшылық қызметтер атқарған. 2008-2010 жылдары — «Нұр-Медиа» ЖШС директоры, бас директорының орынбасары. 2011-2013 жылдары — «Түркі академиясы» КЕАҚ вице-президенті. 2014 жылы — «Астана ЭКСПО-2017» ҰК» АҚ басқарушы директоры. 2016-2017 жылдары — қоғамдық қордың президенті. 2017-2020 жылдары — «ҚазАқпарат» ХАА» ЖШС бас директоры. 2020 жылғы қаңтардан бастап 2021 жылғы тамыз аралығында — «ҚазАқпарат» ХАА» АҚ басқарма төрағасы. 2021 жылғы тамыздан бастап 2022 жылғы қаңтарға дейін — ҚР ақпарат және қоғамдық даму вице-министрі. Қазақстан Республикасының Президенті Қ. Тоқаевтың 2022 жылғы 11 қаңтардағы Жарлығымен бүгінгі күнге дейін ҚР ақпарат және қоғамдық даму министрі қызметін атқарды.