Ақтауда шомылып жүрген қыздарға итбалық шабуыл жасаған

Зардап шеккендердің бірінің анасының айтуынша, оның 12 жастағы қызы құрбысымен бірге 14-шағынауданда, жағалауға жақын маңда шомылған. Кенет оларға итбалық шабуыл жасаған, ол қыздардың бірінің қолын тістеген, екіншісінің иығы мен арқасын тістеген. 

Қыздың анасының айтуынша, олар шошып кеткен. Жағалауда болған ересектер бұл жағдайға мән бермеген. Қызы дереу қоңырау шалып, болған жағдайды анасына айтқан. Әйел бірден келіп, екеуін де Облыстық аурухананың қабылдау бөлмесіне апарған. 16 қыркүйекке дейін зардап шеккендерге екпе салынады.