Құқық

Сотталған азамат бейнебайланыс арқылы туыстарымен сөйлесті

11-08-2022 «Ақ жол»

Жуырда өңірлік Қылмыстық-атқару жүйесі департаментіне бағынысты ЖД-158/5 мекемесіндегі жазасын өтеуші сотталған азамат «Skype» бейне байланыс жүйесі арқылы Қарақалпақстандағы жақындарымен тілдесті. Әңгімелесу барысында туыс-туғандарының амандығын, ұл-қыздарының болашаққа жоспарын біле алды.
ҚР ҚК-нің 188 бабы 2 бөлігі және 190 баптың 2 бөлігімен кінәлі деп танылған азамат сот үкімімен 3 жылға бас бостандығынан айырылған. Ойланбай от басқан азаматтың алдағы уақытта отбасын асырауға мүмкіншілігі бар. Себебі, мекеменің сотталғандар еңбегін ұйымдастыру тобының ұйытқы болуымен ол мұнда «екі қолға бір күрек» таба алды. Ал сотталғандар арасында тәрбие және әлеуметтік-психологиялық жұмыстарын жүргізу бөлімінің ықпалымен мәдени-спорттық іс-шараларға белсенді атсалысады. ҚАЖ қызметкерлерінің қоғамға бейімдеу жолындағы қажырлы еңбегін бағалаған туыстары өз алғыстарын жеткізді.
Әлихан Қали ЖД-158/5 мекемесі сотталғандар арасында тәрбие және әлеуметтік-психологиялық жұмыстарын жүргізу бөлімінің жасақ бастығы