1 шілдеден бастап жалақы тағы да 10 пайызға өспек

30

Ықылас Дүкенұлы атындағы мәдениет үйінде химия өнеркәсібі қызметкерлері күніне арналған салтанатты жиын өтіп, саланың үздік қызметкерлері марапатталды. Облыс әкімі Нұржан Нұржігітов химиктерді кәсіби мерекесімен құттықтай отырып, жиналған қауымға адал еңбегі мен кәсібіне адалдығы үшін алғыс айтты.

– Химия өнеркәсібі ауыр өнеркәсіптің негізгі салаларының бірі ретінде елдің әлеуметтік-экономикалық дамуында баға жетпес рөл атқарады. Президент Қасым-Жомарт Тоқаев аталған саланы дамыту жөнінде нақты тапсырмалар берді. «Қазфосфат» ЖШС өңірдегі ірі кәсіпорындардың бірі болып табылады. Компанияда алты мыңнан астам адам жұмыс істейді. «Қазфосфат» ЖШС өнімін әлемнің 27 еліне экспорттайды. Экономикалық маңыздылықтан басқа, кәсіпорын аймақ үшін маңызды әлеуметтік мәнге ие. Сіздерге, сіздердің жақындарыңыз бен отбастарыңызға зор денсаулық, бақыт және амандық тілеймін! Отанымыздың игілігі жолындағы еңбекте үлкен табыстар мен жаңа жетістіктер тілейміз, – деді өңір басшысы.

«Қазфосфат» ЖШС Бас директоры Нұрхан Нұрланов өндірістегі инновацияларға және әлеуметтік пакетке, оның ішінде жалақыны арттыруға басымдық берілетінін атап өтті.

– Заманауи табысты Химиялық өндіріс – бұл жоғары технологиялардың, ғылыми жаңалықтардың және адамдардың жоғары кәсіпқойлығының үйлесімі. Ағымдағы жылдың 1 қаңтарынан бастап қызметкерлердің жалақысы 10 пайызға өсті. Бүгін «Қазфосфат» ЖШС барлық қызметкерлерінің жалақысын биылғы 1 шілдеден бастап тағы 10 пайызға арттыру туралы шешім қабылданғанын хабарлағым келеді, – деді ол.

Сондай-ақ ол тұрғын үй мәселелері, еңбек жағдайларын жақсарту да назардан тыс қалмайтынын айтты. Мысалы, Жаңатаста 220 пәтерлі жаңа «Үш би» тұрғын үй кешені пайда болады, оған іргелес аумақ, серуендеу аймақтары, балалар ойын алаңдары абаттандырылады. Мұндағы пәтерлерді халықтың әлеуметтік осал санаттары, соның ішінде көпбалалы отбасылар, ардагерлер, еңбек мүгедектері, сондай-ақ «Қаратау» АІЖК-нің өз баспанасы жоқ қызметкерлері өтеусіз негізде алады. Бұдан басқа, қазіргі уақытта компания «Отбасы банкімен» бірлесіп, әлеуметтік осал санатқа жатпайтын, бірақ сондай-ақ өзінің тұрғын үй жағдайларын жақсартуға мүдделі қызметкерлердің тұрғын үй мәселелерін шешуге бағытталған жеке бағдарлама әзірлеуде.

Кадрлық әлеуетті нығайту үшін ақпан айында Қазақстанның жетекші жоғары оқу орындарымен бірлесіп «Kazphosphate Young Professionals Program» жобасы іске қосылды. Бүгінде 12 түлек компания филиалдарына таратылды. Серіктестік есебінен 141 қызметкер академиялық білім алады. Нұрхан Нұрланов сондай-ақ, 2022 жылы ӨДФЗ және ЗМУ барлық негізгі өндірістік цехтарында күрделі жөндеу жүргізу туралы шешім қабылданғанын хабарлады. Салтанатты шара барысында 100 фосфоршы марапатталды: бірі «Облысқа сіңірген еңбегі үшін» медалін, екіншісі – «Еңбек ардагері» медалін және «Химия өнеркәсібінің үздік қызметкері» төсбелгісін, ондаған қызметкерге облыс әкімінің, Тараз қаласы әкімінің, облыстық және қалалық мәслихаттардың, «Amanat» партиясының, «Қазфосфат» ЖШС-ның Құрмет грамоталары тапсырылды.

Облыс әкімінің баспасөз қызметі.

Comments are closed.