Пандемия: 5 миллион адам миллионер атанған

Тарихта бірінші рет әлем халқының 1%-дан астамы миллионер болды, қазір олар әлемдегі барлық ақшаның 45,8% басқарады. Бұл туралы Швейцарияның Credit Suisse халықаралық қаржы компаниясының есебінде айтылған. Сонымен қатар мұнда миллионерлердің көбеюіне пандемияның ықпалы бар екені жазылған. Зерттеуге сәйкес, 2021 жылдың басында әлемде 56,1 млн миллионер пайда болған, осылайша тарихта алғаш рет азаматтардың бұл санаты бүкіл әлем халқының 1 пайызынан асты. Тарқатып айтсақ, жаңа миллионерлердің саны мына елдерде көп екен: АҚШ – 1,73 млн, Германия – 633 мың, Австралия – 392 мың, Жапония – 390 мың, Франция – 309 мың, Британия – 258 мың.