Жамбылдық полицейлер 3 күндік «Мал ұрысы» жедел-алдын алу іс-шарасын өткізді

5

«Мал ұрысы» жедел-алдын алу іс-шарасының 3 күні ішінде облыстың полиция қызметкерлерімен мал ұрлығының 16 дерегі, оның ішінде бұрын жасалған қылмыс — 13 және өткен жылдар санаты бойынша 4 дерегі ашылды.

Қабылданған шаралар нәтижесінде иелеріне 72 бас мал қайтарылды.

Мәселен, ағымдағы жылдың 18 қарашасында полицияға Т.Рысқұлов ауданы тұрғындарының бірі белгісіз тұлғалармен жайылымнан 23 бас ірі қара мал ұрланғаны, шығын көлемі 5 млн. теңгедей залал келтіргені туралы хабарласты.

Жедел-іздестіру шаралары барысында Байзақ ауданының 43 және 44 жастағы екі тұрғыны анықталды. Ұсталғандар УҰИ-ға қамаққа алынды. ҚР ҚК-нің 188-1-бабы 3-бөлігі (мал ұрлығы) бойынша сотқа дейінгі тергеу басталды.

Ағымдағы жылдың 10 айында 169 мал ұрлығы тіркелді. Ұрланған 623 бас малдың 295-і иелеріне қайтарылып, жалпы сомасы 30 миллион теңгеден астам материалдық шығын өтелді.

Мал ұрлығының тіркелген дерегі бойынша полиция қызметкерлері 93 адамды, оның ішінде 35 адамнан тұратын 16 топты ұстады.

Жамбыл облысының Полиция департаменті азаматтарды жеке қосалқы шаруашылықтардағы малдарына бақылауды күшейтуді және жайылымдарда қараусыз қалдырмауды, сондай-ақ бейтаныс адамдарға мал жайдырмауды ескертеді.

Comments are closed.