Жаңа шектеу: 1 қаңтардан бастап заңды тұлғалар шоттан кез келген соманы шеше алмайды
Қазақстанда 2021 жылдың 1 қаңтарынан бастап заңды тұлғалар үшін шоттан шешіліп, қолға берілетін ақша көлеміне шектеу енгізіліп жатыр.
Бұл «банк операцияларының жекелеген түрлерін жүзеге асыратын, мемлекеттік кірістер органдарына белгіленген лимиттен асатын қолма-қол ақшаны беруден бас тартуға негізделген мәліметтерді ұсынатын екінші деңгейлі банктер мен ұйымдардың міндеттемесінде қарастырылған».
Осылайша, тәуекелдерді басқару жүйесін қолдануды ескере отырып, келесі шешімдердің бірі қабылданады:
— төмен тәуекел дәрежесі үшін — қолма-қол ақшаны беруден бас тартуға негіз болмаған кезде;
— жоғары тәуекел дәрежесі бойынша — қолма-қол ақшаны беруден бас тартуға негіз болатындығы туралы.
Екінші деңгейдегі банктермен жұмыс жасағанда салық төлеушілер бұл ақпаратты ескеруі керек.
Естеріңізге сала кетейік, бір ай ішінде кәсіпкерлік субъектілердің банктік шоттардан қолма-қол ақшаны алу сомасына келесі шекті сомалар бойынша белгіленді:
— 20 миллион теңге — шағын кәсіпкерлікке;
— 120 млн — орта бизнес үшін;
— 150 миллион — ірі кәсіпкерлік субъектілері үшін.
Comments are closed.