- Advertisement -

Жамбыл облысында карантиндік тәртіп талаптары күшейтіледі

53

- Advertisement -

Жамбыл өңірінде коронавирустық инфекцияның таралуын алдын алу мақсатында аймақтың бас санитарлық дәрігері 19 қазан сағат 00:00-ден бастап қосымша шектеу шараларын енгізу жөнінде шешім қабылдады. Оған сәйкес, ойын-сауық мекемелерінің (караоке, бильярд, компьютерлік клубтар, түнгі клубтар, боулинг орталықтары, жабық үй-жайлардағы балалар ойын алаңдары мен аттракциондары, батуттар және басқалар), кинотеатрлардың (ашық ауадағы кинотеатрларды қоспағанда), букмекерлік кеңселердің жұмысына, мерекелік, спорттық-бұқаралық, ойын-сауық мәдени-бұқаралық іс-шараларды, форумдар, конференциялар, семинарлар, көрмелер, отбасылық, естелік банкеттер, үйлену тойлары, мерейтойлар, еске алу және адамдар көп жиналатын өзге де іс-шараларды, оның ішінде үйде өткізуге тыйым салынады.

Мал базарларының қалыпты режимде жұмыс істеуі де шектеледі. Сауда тек күшейтілген санитарлық талаптарды сақтай отыра жеткізу қызметі арқылы жүзеге асуы тиіс.

Тұрғындардың жүріп-тұруына сағат 23:00-ден 06:00-ге дейін шектеу енгізілмек. Ал 65 жастан асқан қариялар мейілінше көшеге шықпауы керек. Парктер, демалыс саябақтарында тынығуға рұқсат, тек бір отбасы мүшелері болмаса, 3 адамнан артық топ болып жүруге болады. Оның өзінде әлеуметтік қашықтық сақталып, бетперде киілуі шарт.

Қоғамдық тамақтану орындарының жұмыс уақыты 06:00-ден 22:00-ге дейін шектеледі.

Мектептерде кезекші сыныптар жұмысы сақталады. Бір кабинетте отыратын оқушылар санын 15-тен асырмауды қадағалау шарт.

Күшейтілген санитарлық талаптарды сақтай отыра, сұлулық салондары, шаштараздардың жұмысына рұқсат. Тек әр келушіге 4 шаршы метр қарастырылуы керек. Талаптардың сақталуын арнайы мобильдік топтар қадағалайтын болады.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support