Екі күн ішінде өз ағзасын пайдалануға келісімін берген адам қанша — статистика

11

Енді қайтыс болғаннан кейін ағзаңыздың органдарын қолдануға болатындығы немесе одан бас тартатындығыңыз туралы өтінішті Egov.kz порталы арқылы жолдай аласыз. 

Естеріңізге сала кетейік, Денсаулық сақтау кодексінің талаптарына сәйкес, әр адам қайтыс болғаннан кейін донор болуға келісімін беретінін немесе одан бас тартатындығы туралы алдын ала хабарлауы керек.

— Біз бұл процесті автоматтандырдық (процесс — ред.). Адам ешқайда барып, қағаз жазып, әуре болмайды, электронды үкіметте көрсетілген «келісемін» немесе «бас тартамын» деген бір түймені басса болғаны. Кодекс қолданыысқа енгізілгелі бері «бас тарту» түймесі 300 рет басылған және қағаз жүзінде алты келісім берілген. Денсаулық сақтау министрлігі ұсынған дерек осындай. Күні кеше ғана бұл қызмет түрі енгізілді, қазірдің өзінде 500-ге жуық өтінім берілді: «келісемін» дегендер 60 және «бас тартамын» дегендер — 400, — деді Сенаттағы үкімет сағатында Цифрлық даму министрі Бағдат Мусин.

Сонымен қатар, министрдің айтуынша, қайтыс болғандығы туралы куәлікті алу процесі автоматтандырылған. Әзірге жүйелер пилоттық режимде Нұр-Сұлтан мен Алматыда жұмыс істеп жатыр, бірақ бір ай ішінде ол басқа аймақтарда қолданыла бастайды.

Comments are closed.