Тыйым салынған заттарды кіргізбек болған
Таразда тергеу изоляторы қызметкерлері танысына тыйым салынған затты кіргізбекші болған азаматты ұстады. 1989 жылы туылған азамат сәлем-сауқат арқылы дәретхана қағазына оралған 2 пакетті өзінің танысына бермек болған. Бұл сәтті ЖД-158/1 мекемесі жедел бөлімінің қызметкерлері қалт жіберген жоқ.
Тәркілеу барысында дәретхана қағазына оралған 2 пакеттің бірінен ерекше иісі бар жасыл түсті өсімдік тәрізді зат пен ақ түсті 20 таблетка табылса, екінші пакеттен де ерекше иісі бар өсімдік шөбі табылды.
Аталған дерек бойынша жедел-тергеу тобы және Тараз қалалық полиция басқармасы есірткі қылмысына қарсы іс-қимыл бөлімінің қызметкерлері шақыртылып, сот-химиялық сараптама тағайындалды.
Әсел Ильясова, ЖД-158/1 мекемесі жедел бөлімінің аға жедел уәкілі, әділет капитаны.
Comments are closed.