Бүгінде Жамбыл облысы бойынша тозығы жеткен мектеп ғимараттарының құрылысымен қатар, жаңа білім ұяларын салу да өзекті болып отыр.
Мәселен Тараз қаласында жаңадан бой көтерген 15-ші ықшам ауданында әзірге бірде-бір мектеп жоқ. Ал жаңа оқу жылы жақындап қалды.
Облыстық мәслихаттың сессиясында аймақ басшысы Бердібек Сапарбаев бұл мәселеге қатысты:
«Ескі ғимараттарды жөндеумен қатар, енді бой көтеріп жатқан ықшам аудандар мен тұрғын алқаптарында жаңа мектептер салуды да басты назарда ұстауымыз қажет.
Мысалы, 15-ші ықшам ауданда кемі 4 мектеп болуы керек. Ол үшін келесі жылға қаржы алу үшін Үкіметпен жұмыс жасап жатырмыз», деп мәлімдеді.
Comments are closed.