Алматы қалалық Сыбайлас жемқорлыққа қарсы күрес қызметі БАҚ беттерінде жарияланған ақпаратқа талдау жасау арқылы медициналық бұйымдарды заңсыз сату деректерін әшкереледі, деп хабарлайды ҚазАқпарат.
Жедел тергеу жұмыстары барысында құны 27 млн теңге болатын 1 млн маска тәркіленді. Заңсыз саудамен айналысқан адамдарға қатысты ҚР 189-бабымен қылмыстық іс қозғалды. Белгілі болғандай, бұйымдар астыртын қоймадан шыққан. Экономикалық тергеу департаменті қызметкерлері сол жерге барып, жедел тергеу амалдарын жүргізді. Тінту барысында 6 млн 400 мың маска табылды. Жалпы кеше Алматы қалалық Сыбайлас жемқорлыққа қарсы күрес қызметі 7 млн 400 мың маска тәркіледі.