«Қаралмаға» қарапайым тұрғындар да бара алады
«Қаралмаға» қарапайым тұрғындар да бара алады
«Қаралма» тау-шаңғы базасы» кәсіби спортшыларға ғана арналған ба? Қарапайым тұрғындардың ол жаққа барып, сырғанап, сейілдеуіне бола ма? Әлібек Сатаев, Тараз қаласының тұрғыны. Алдымен айтарымыз, кез келген тұрғын үшін «Қаралмаға» жол ашық. Себебі, бұл туристік аймақта келешекте жамбылдықтар мен облысымызға келген қонақтарға спорттық және сауықтыру, мәдени және ойын-сауық қызметтерінің толық спектрі ұсынылады. «Қаралма» тау-шаңғы базасы» кешенінің құрамына 20 коттедж, 100 орынға арналған қонақ үй, 70 орындық 2 мейрамхана, 30 орындық кафе, бақылау алаңы, сервис орталық, веложолы бар спорт мектебі, 100 автокөлікке арналған 2 автотұрақ, бассейн және басқа да сауда және ойын-сауық орындары кіреді. Қарлығаш Аралбекова, облыс әкімдігі туризм басқармасының басшысы.