Әл-Фараби монетасы шықты

14

Қазақстанның АҚШ-тағы елшілігі əл-Фарабидың ескерткіш монеталарын, сондай-ақ Абай Құнанбайұлы бейнеленген пошта маркаларын шығаруға бастамашылық етті.
Монетаның алдыңғы жағында əл-Фараби бейнеленген, ал екінші жағында қазақ халқының мəдени жəне рухани мұрасының қайта өркендеуін білдіретін бүркіт бейнеленген «Рухани жаңғыру» логотипі орналасқан.
Елшілік биыл əл-Фараби мен Абай Құнанбайұлының мерейтойларына арналған бірқатар іс-шара өткізуді жоспарлап отыр. Атап айтқанда, ақпан айында АҚШ-тың жетекші университеттерінде қазақ фильмдері көрсетіле бастайды. Жыл бойы фотокөрмелер мен дөңгелек үстелдер, сондай-ақ америкалық сарапшы жəне академиялық топтар үшін Абай Құнанбайұлы мен əл-Фарабидың өмірі мен шығармашылығы туралы кітаптар көрмесін өткізу жоспарлануда.
Сондай-ақ елшіліктің ақпараттық ресурстарында Батыс саяхатшылары жасаған ХІХ ғасырдағы Қазақстан тарихының фотосуреттері тұрақты негізде орналастырылуда.

Comments are closed.