Грузия Михаил Саакашвилиге іздеу жариялады

Грузия елдің бұрынғы президенті Михаил Саакашвилиге мемлекетішілік іздеу жариялады.

Экс-президенттің қатысы бар деген күдікпен елде бірнеше қылмыстық істің тергеуі жүріп жатыр. Оған елдің қаржысын бей-берекет шашты, қызметтік лауазымын асыра пайдаланды деген айыптар тағылып отыр. Тбилиси қалалық соты 2 тамыз күні оны тұтқындау туралы сырттай үкім шығарып қойған. Грузияның бас прокуратурасынан келген хабарламаға сәйкес, Саакашвили ел шекарасын аттап басысымен қолға түседі. Осындай үкім елдің ІІМ-не берілген.