Бір орында кідірмейді бұл ғалам
Бүгінгі күн, ертең – тарих тыңдаған,
Бір орында кідірмейді бұл ғалам.
Уақыт санап асығамыз,
Білінбей,
Әр өткен күн – қарттығыңа бір қадам.
Қалдырмаймыз жастық шақта із неге?
Уақыт келер аңсайтұғын бізге де.
Еске алатын жасыл көйлек көктемін,
Адам түгіл өкінішті күзге де.
Жастық шағың, сірә, емтихан әр таңға,
Алма-кезек өмір салар сарсаңға.
Бір қолыңды малып жүрсең жастыққа,
Қарттық тұрады екінші бір қалтаңда.
Comments are closed.