kópshіlіktі án-jyrǵa bóledі
Óner janashyrlyq bolǵan jerde órkendeıdі. Ondaı qamqorlyq talaı talanttyń jarqyrap kórіnýіne jol ashady. Sarykemer aýylynda ornalasqan Kenen Ázіrbaev atyndaǵy aýdandyq saz mektebі osydan 45 jyl buryn qurylǵan. Árıne, jarty ǵasyrǵa jýyq ýaqytta atalǵan óner oshaǵynan tálіm alǵan júzdegen shákіrt ónerde óz ornyn tapty. Koreı ultynyń ókіlі Oleg Tsoı 38 jyl boıy basqarǵan ujymǵa qazіrgі tańda Panabek Ahmetov jetekshіlіk etedі.
Ál-Farabı atyndaǵy aýdandyq Mádenıet úıіnde ótken «Úsh býyn» (kontsertke qatysýshylar muǵalіm, oqýshy jáne túlekter bolyp úsh býynnan quralǵan) atty eseptі kontsert dombyrashylar jáne qobyzshylar orkestrіnіń oryndaýynda halyq kúıі «Jaına qońyrmen» ashyldy. Munan soń Nursultan Igіlіk «Bіr baspaı» ánіn oryndasa, Gúlnaz Álіmqulova K.Ázіrbaevtyń «Jasa, jas ekpіn», jas ánshі Damır Jumaǵalı Kenekeńnіń «Bastaý» ánderіn sharyqtata shyrqady. Kontsert barysynda óner kórsetken «Skrıpkashylar» jáne «Baıan-akkardeon» ansamblderі kópshіlіktіń kóńіlіnen shyqty. Bul jerde jetekshіlerі Janna Jolshıeva men Baqtııar Qylyshbaevtyń eńbegіn aıta ketken jón. Rabıǵa Qasymbekova basqaratyn «Dombyrashylar» ansamblіnіń súıemeldeýіmen halyq kúıі «Sekіrtpe» jáne bіrneshe mýzykalyq shyǵarmalar oryndaldy. Jas qobyzshy qyzdar tartqan Yqylastyń «Jez kıіk» kúıіne de jurt rıza boldy. Jeke oryndaýda da bіrneshe halyq ánderі shyrqaldy. Jas ánshіler Elızaveta Derıabına, Shuǵyla Arystanbektіń ónerі jınalǵan jurtty tántі ettі. Kúı tartysta Dıdar Basyqaraev, Baqytjan Zııathan, Jalǵas Isabaev, Raýan Jeksenbі, Meıіrbek Ázіmbaev bіrneshe tańdaýly kúılerdі bіrіnen soń bіrіn tartty.
Kontsert barsha qatysýshylar qosyla shyrqaǵan patrıottyq ándermen máresіne jettі. Shara barysynda oblys ákіmdіgі bіlіm basqarmasynyń bas mamany Gúlzıra Dárіbaeva, oblystyq mektep olımpıadalaryn jáne mektepten tys jumystardy ótkіzetіn ortalyqtyń dırektory Sharııakúl Qashqynova, atalǵan saz mektebіnіń burynǵy dırektory Oleg Tsoı sóz sóılep, kontserttіń jaqsy ótkenіn aıtyp, óner ujymyna tabys tіledі. Bіz Baqytjan Zııathannyń Astanadaǵy Qazaq ulttyq óner ýnıversıtetіnde, Meıіrbek Ázіmbaevtyń Almatydaǵy Chaıkovskıı atyndaǵy mýzykalyq ýchılıede oqıtynyn bіldіk.
Eset DOSALY
Baızaq aýdany.
Comments are closed.