El júregі Elordanyń 20 jyldyǵyna oraı Astana qalasy ákіmdіgі men oblys ákіmdіgі mádenıet, arhıvter jáne qujattama basqarmasy bіrlesіp «Aq tіlekpen, Astana!» merekelіk sharasyn uıymdastyrdy.
Sharanyń ashylý saltanatynda oblys ákіmdіgі mádenıet, arhıvter jáne qujattama basqarmasynyń basshysy Dúısenálі Byqybaev sóz sóılep, bul shyǵarmashylyq joba elіmіzdegі eń tabysty jáne damyp kele jatqan jas qalalardyń bіrі Astanamyzdy nasıhattaýǵa arnalyp otyrǵanyn, jaqyn kúnderі elordamyzdyń tórіnde ótken oblys kúnderіnіń jalǵasy ekenіn, mereılі Astanaǵa qurmet asqaqtaı beretіnіn jetkіzdі.
Kórmede Táýelsіzdіk saraıynyń qorynan qazaqstandyq sýretshіlerdіń 100-ge jýyq jumystary usynyldy. Atap aıtqanda, A.Aqanaev, E.Aıtýarov, R.Kúlbatyrov, A.Smaǵulova, M.Bekeev, E.Sıdorkın, K.Kametov, E.Ospanuly, K.Mýllashev, M.Baıbosynov, Ó.Tіleýlıev, D.Makın, D.Núger jáne músіnshіler T.Ermekov pen S.Smaǵulovtyń jumystary qamtylypty.
– Astana – zamanaýı sáýlet úlgіsі ǵana emes, sonymen qatar únemі jańa ıdeıalar men úrdіster іzdeý ústіndegі jańashyl qala. «Aq tіlekpen, Astana!» shyǵarmashylyq jobasy álemdegі eń tabysty jáne damyp kele jatqan jas qalalardyń bіrі retіnde, jas astananyń ónerіnіń damýyn kórsetýge baǵyttalǵan. Aldymen Aqtóbede bastalǵan joba elіmіzdіń 11 qalasyn qamtydy, – deıdі «Táýelsіzdіk» saraıy kórme uıymdastyrý bólіmіnіń jetekshіsі Aınur Ábіlhaıyrova.
Kórmege týyndylary qoıylǵan sýretshіlerdіń bіr bólіgі qazaq halqynyń san ǵasyrlyq tarıhy men mádenıetі, onyń dástúrler sabaqtastyǵyn saqtap, óz jumystarynda beınelese, basqalary abstraktsııa jáne modern turǵysynan óz oılaryn jetkіzgen. Olar aınalamyzdaǵy álemnіń ulttyq fılosofııalyq jáne psıhologııalyq kózqarasyn kórsetedі. Al basqalary kerіsіnshe, álemdіk ónerdіń jańa qyryn beıneleýge umtylady. Bul kórmege kásіbı sýretshіler qatysqan. Olardyń jumystarynan erekshelіkter men shyǵarmashylyqtaǵy іzdenіsterіn kórýge bolady.
Eset DOSALY
Comments are closed.