- Advertisement -

Áleýmet tіk jelі talant tardy da tanytady

141

- Advertisement -

Oblys ákіmdіgі tіlderdі damytý basqarmasyna qarasty tіlderdі oqytý ortalyǵy elordanyń 20 jyldyǵyna oraı áleýmettіk jelі qoldanýshylary arasynda «Astana – otanymnyń júregі, Táýelsіzdіgіmnіń tіregі!» atty baıqaý uıymdastyrǵan bolatyn.
Baıqaý shartyna saı qatysýshylar «Astana 20 jyl arnay» paraqshasyna ózderіnіń avtorlyq eńbekterіn nemese belgіlі aqyn-jazýshylardyń shyǵarmalaryn mánerlep oqyp, jarııalaǵan. 35 úmіtker qatysqan sharanyń qorytyndysy atalǵan ortalyqtyń májіlіs zalynda ótken jıynda jarııalandy. Sharany ortalyq dırektory Gúlhan Amanova sóz sóılep ashyp, áleýmettіk jelіnіń qoǵamdaǵy ornyna, shyǵarmashyl jastardyń belsendіlіgіne toqtaldy.
Arnaıy qurylǵan qazylar alqasynyń sheshіmіmen bas júldege Jańatas kóp salaly kolledjіnіń oqytýshysy Bekaıdar Amanbaev laıyq dep tanyldy. Bekaıdar marapat ústіnde kópshіlіkpen úsh tіlde amandasyp, ózіnіń elordaǵa arnaǵan óleńіn oqyp berdі. Bіrіnshі oryn sarysýlyq Samat Toqpanovqa berіlse, tarazdyq Dana Muhametіldá men merkіlіk mektep oqýshysy Leıla Kamılova ekіnshі oryndardy ózara bólіstі. Tarazdyq Roza Pahtýnova men Shoıra Mırsharıpovaǵa júldelі úshіnshі oryn buıyrdy. Bul baıqaýdyń eń jas qatysýshysy, Tarazdaǵy №5 mektep-gımnazııasynyń 3-synyp oqýshysy – Álıhan Tursynbek. Ol yntalandyrý syılyǵymen marapattaldy.

Eset DOSALY

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support