Төтенше жағдайлар комитеті жүргізген ауқымды тексерудің нәтижесінде бір аптаның ішінде 75 нысан тексеріліп, оның тек үшеуінен ғана бұзушылық анықталмаған.
«Премьер-Министрдің тапсырмасы негізінде барлық ірі ойын-сауық орталықтарын ауқымды түрде тексеру жұмыстары жүргізілген болатын. Өткен аптаның дүйсенбісінде 207 тексеріс жұмысы басталса, қазірге дейін 308 тексеру жүргізілді. Яғни бір аптаның ішінде 75 нысанды тексеру аяқталды. Тексерілген нысандарда 1 мыңнан астам бұзушылық анықталды. Бұзушылықтар 3 нысанда ғана тіркелмеген. Олар: Қарағанды облысының Шахтинск қаласындағы 2 базар және Қостанай облысының Қарабалық ауданындағы «Делюкс» СО», — дейді комитет төрағасы генерал-майор Владимир Беккер.
«Aq jol»-ақпарат
Comments are closed.