облысымыздағы 495 шақырымды құрайтын «Батыс Еуропа – Батыс Қытай» автожолы ақылы жүйеге қашан көшеді?
Елімізде автожол саласы жыл сайын дамып, халықаралық, республикалық, облыстық және аудандық маңызы бар жолдардың сапасы да барынша артып келеді. Қазақстанның қазіргі даму кезеңінде еліміздің автожолдарын халықаралық талаптарға сай жаңғырту жүйелі жүргізілуде. Қалай дегенде де, Еуразия кіндігіне орналасқан жеріміз бізді транзиттік ел болуға ыңғайлады. Бүгінде елімізде республикалық және халықаралық автожолдарды салуды, жөндеуді, бабында ұстауды ел бюджетіне салмақ салмай, заман талабына сай коммерциялық жүйемен ұйымдастыру шаралары қолға алынып, ақылы жүйе өмірімізге біртіндеп еніп келеді. Бұған дейін еліміз аумағында енгізілген 217 шақырымдық «Астана-Щучинск» ақылы жолынан 2015 жылы 1 миллиард 100 миллион теңге пайда түссе, ал, өткен жылы 1 миллиард 251 миллион теңге жиналған. Жалпы, жүйе енгізілген 2013 жылдан осы уақытқа дейінгі табыс көлемі 3 миллиард 200 миллион теңгені құраған.
Comments are closed.