Сен қайта оралғанда…
Бəрі де кеш болады, кеш, күнім.
Көз алдымнан жоғалады кескінің.
Өр кеудеңнен құс боп ұшып кетермін,
Естелік боп қала берсін ескі мұң.
Сен қайта оралғанда…
Ұқсарсың күзгі бақтай тоналғанға.
Санамнан сендік ойлар жоғалғанда,
Сабырым жеңіп кетер сезімімді,
Жалғыз куə болады оған да Алла.
Сен қайта оралғанда…
Алданып қаласың-ау жоқ арманға.
Мен де жоқ, жүрек те жоқ сонау маңда,
Сен жалғыз қаларсың-ау күңіреніп,
Мен жалғыз болашаққа жол алғанда.
Сен қайта оралғанда…
Бекінем саған қайта оралмауға,
Келме жəне аққулар қонар маңға.
Сен мені күтпе де енді келеді деп,
Болмайтын, бос, үмітке жоқ алданба.
Назерке ОҢҒАР.
Талас ауданы.
Comments are closed.