Қайнекейдің қағытпасы
Бірде жасы үлкен жазушы Қайнекей Жармағамбетов інісі сатирик Садықбек Адамбековке қаттырақ тиіссе, іні қаламгер дүрсе қоя беріпті.
– Сен менімен байқап сөйлес. Мен қара қыпшақ Қобыланды батырдың тоғызыншы ұрпағымын, – депті қампия сөйлеп.
Сонда ұшқыр ойлы Қайнекей еденге тізерлеп отыра қалып, екі қолын көкке созып:
– О, тоба! Жарық дүние, неткен жалған едің? Соңғы ұрпағың Садықбек болса, қайран Қобыланды-ай… Аруағыңнан айналайын-ай, сенің де тұқымың азайын деген екен-ау, – депті.
Comments are closed.