- Advertisement -

Kitaphana oqyrmandarymen kezdesti

18

- Advertisement -

Sport kúni merekesi aıasynda oblys ákimdigi mádenıet, arhıvter jáne qujattama basqarmasyna qarasty kózi kórmeıtin jáne álsiz kóretin azamattar kitaphanasynda taekvondodan múmkindigi shekteýli azamattar arasynda eki dúrkin álem chempıony Nyshan Ómiráli jáne paratannan Parazıa oıyndarynyń júldegeri Nargıza Ahmetovamen kezdesý ótti.
İs-shara atalǵan kitaphananyń turaqty oqyrmany Ánýarbek Óteǵulovtyń oryndaýyndaǵy Shámshi Qaldaıaqovtyń ádemi ánderimen ashyldy. Munan soń Nyshan Elýbaıuly sóz sóılep, óziniń sportqa qalaı kelgendigi, úlken sportta júrýdiń qıyndyqtary týraly aıtyp berdi. Sondaı-aq ol álemdik dodalarda óziniń basty qarsylastary Iran, Ázirbaıjan memleketteriniń sportshylary ekendigin, Reseı, Mońǵolıa, Túrkıa sportshylary da úzdikterdiń qatarynda júretindigin sóz etti. Óz kezeginde Nargıza Ahmetova kásibı mansaby, arbada bıleý óneriniń erekshelikteri týraly baıandap, bolashaq josparlarymen bólisti. Qos chempıonǵa kitaphana qyzmetkerleri men oqyrmandary tarapynan suraqtar qoıylyp, oǵan qonaqtar jan-jaqty jaýap berdi.
Munan keıin kitaphana qyzmetkerleri Nurjahan Kerimbaeva men Gúlnur Quraqbaeva áýeletip án saldy. Arbada bıleýdiń sheberi Nargıza Ahmetova ónerinen jurtty habardar etip, kópshiliktiń aldynda bılep berdi. Qos sportshy kitaphana ujymyna óz qoltańbasyn qaldyrdy.
Keshti atalǵan kitaphananyń dırektory Aıgúl Orazqulova qorytyndylap, qonaq bolyp kelgen sportshylarǵa, jınalǵan kópshilikke, kitaphana oqyrmandaryna alǵysyn bildirip, kesh qonaqtary Nyshan Ómiráli men Nargıza Ahmetovaǵa rızashylyǵyn jetkizdi.

Eset DOSALY

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support