- Advertisement -

Derbıde desimiz basym

29

- Advertisement -

«Taraz» «Ordabasyny» jeńip,
toǵyzynshy orynǵa kóterildi

Fýtboldan Qazaqstan premer-lıgasynyń 21-týry tartysty kezdesýlerge toly boldy. Ońtústik derbıde «Taraz» Shymkenttiń «Ordabasy» fýtbol klýbyn qabyldady. Basqa-basqa, derbıge kelgende jankúıerlerdiń delebesi qozatyny belgili. Sondyqtan ózge kezdesýdi bylaı qoıǵanda ońtústik derbıi atalǵan «Taraz» ben «Ordabasy» kezdesýi qashanda qyzyqty ótedi. Jankúıerler dál osy kezdesýden jeńis kútetini de anyq. Sodan da shyǵar, «Taraz» fýtbolshylarynyń janarynan ot baıqadyq. Baryn saldy. Jumylǵan judyryqtaı birlik tanytty.
Oıyn bastala salysymen shabýylǵa den qoıǵan «Taraz» fýtbolshylary jyldam gol soǵyp úlgerdi. Ortalyq alańnan bastap qustaı ushqan Serj Núadzı «Ordabasynyń» búkil qorǵaýshysyn jáne qaqpashysyn aldap ótip, teńbil dopty bos qaqpaǵa top etkizdi. Gol! Jankúıerlerdiń qýanyshynda shek joq. Birinshi kezeńde qos komanda fýtbolshylary da gol soǵýdyń joldaryn qarastyrdy. Alaıda birinshi kezeń 1:0 esebimen aıaqtaldy. Áıtse de, jankúıerlerdiń esinde qalǵany – «Tarazdyń» burynǵy fýtbolshysy, senegaldyq legıoner Abdýllaı Dıakateniń 8 mınýt ishinde eki eskertý alyp, alańnan qýylǵany. Osylaısha «Ordabasy» komandasy birinshi kezeńde on oıynshymen aıaqtaýǵa májbúr boldy.
Úzilisten keıin joıqyn qarymta shabýyldar uıymdastyrǵan «Taraz» fýtbolshylary ádemi múmkindikterdi múlt jiberip, esepti eseleı almaı jatty. Fýtbolda «sen soqpasań, saǵan soǵady» degen qaǵıda bar. Sony jete túsingen «Ordabasy» fýtbolshylary qarsy shabýyldar uıymdastyrdy. Eki márte qaqpa baǵany jerlesterimizge bolysty. Nátıjesinde «Taraz» 1:0 esebimen jeńiske jetip, qorjynymyzǵa úsh upaıdy saldy.
Bul kúni «Tarazdyń» basty básekelesteri sátsizdikke tap boldy. «Atyraý» óz alańynda Qostanaıdyń «Tobyl» fýtbol klýbyna ese jiberse, Pavlodardyń «Ertis» komandasynyń fýtbolshylary almatylyq «Qaırattan» bir oıynshysy artyq bola tura jeńilip qaldy. «Atyraý» men «Ertistiń» upaı joǵaltqanyn utymdy paıdalanǵan «Taraz» qaýipti aımaqty bosatyp, toǵyzynshy orynǵa kóterildi. Kelesi týrdan soń ekinshi aınalym máresine jetip, úshinshi kezeń bastalady. «Taraz» dál osy oryndy saqtap qalsa, premer-lıgada qalatyny anyq.

 

Tabıǵat ABAILDAEV.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support