Batyr bıіkterdі baǵyndyrýǵa daıyn

Bіrіnshі jartylaı orta salmaq dárejesіnde synǵa túsіp júrgen jerlesіmіz, Shý óńіrіnіń týmasy Batyr Júkembaev 26 qyrkúıekte on jetіnshі jekpe-jegіn ótkіzetіnі málіm. Kezektі shaıqasynda meksıkalyq Mıgel Vaskespen qolǵap túıіstіretіn Batyr úshіn aldaǵy jekpe-jek ońaıǵa soqpaıtyny belgіlі. Kásіpqoı boks álemіnde ekі márte áıgіlі Saýl Alvarespen judyryqtasqan Vaskes osal qarsylastardyń qatarynan emes. Degenmen qazaq oǵlany onyń myqtylyǵynan qaımyqpaıdy.
«Men bul sáttі óte uzaq kúttіm. Burynǵy álem chempıonyna qarsy ótetіn kezdesý maǵan asa zor jaýapkershіlіk júgіn júkteıdі. Ol 49 jekpe-jektіń 41-іnde qarsylasynan aılasyn asyrǵanyn boks jankúıerlerі óte jaqsy bіledі. Vaskes IBF tujyrymy boıynsha kezіnde álem chempıony atanyp, bіrneshe márte belbeýіn sáttі qorǵaǵan. Onyń áıgіlі Meksıka juldyzy Saýl Alvarespen qolǵap túıіstіrgenіn, WBC jáne IBO tujyrymdary boıynsha chempıondyq jekpe-jekterge shyqqanynan habardarmyz. Sondyqtan Vaskestіń men úshіn ońaı qarsylas bolmaıtyny anyq. Menіń kásіbı mansabyma qarasańyz, qazіrgі kezdegі eń myqty qarsylas osy Mıgel Vaskes sanalady. Árıne, aýyr jekpe-jek bolatynyn sezіnemіn. Bіraq ol menі toqtata almaıdy. Ár shaıqasta jeńіske jetýge tas-túıіn daıynmyn. Óıtkenі menіń armanym – álem chempıony ataný. Ol jolda eshqandaı kedergі menіń betіmdі qaıtara almaıdy», – deptі Batyr Júkembaev suhbattarynyń bіrіnde.
Shynynda da Batyr Júkembaev úshіn Mıgel Vaskes qazіrgі kezde myqty qarsylas sanalyp otyr. Óıtkenі meksıkalyq bylǵary qolǵap sheberіnіń kásіpqoı boksta tájіrıbesі óte mol. Alaıda ol bіrіnshі orta salmaq dárejesіnіń shyn myqtysy deýge kelіńkіremeıdі. Áıtkenmen mol tájіrıbesіnіń arqasynda bіrqatar qarsylastardy jeńgen bolatyn. Sol sebeptі de Batyrǵa úlken daıyndyq qajet ekenі talas týdyrmaıdy. Bul kezdesý Batyr Júkembaevtyń úlken jekpe-jekterge shyǵýyna múmkіndіk týdyrady degen oıdamyz. Ol úshіn Shýdan shyqqan oǵlan joǵary deńgeıde ózіn kórsete bіlýі tıіs.
26 qyrkúıektegі boks keshі Kanadanyń Monreal qalasynda ótetіnі belgіlі. Bul kúnі sharshy alańǵa Batyr Júkembaevtan bólek taǵy bіrneshe qazaq boksshylary sharshy alańǵa kóterіledі dep kútіlýde. Olardyń qatarynda bіrіnshі orta salmaq dárejesіnde synǵa túsіp júrgen Sadrıddın Ahmedov, ekіnshі orta salmaq dárejesіndegі oǵlan Nurzat Sabırov, orta salmaq dárejesіnde kásіbı mansabyn endі bastap jatqan Aman Qazanqapov bar. Qysqasy qyrkúıektіń sońynda Kanada tórіnde qazaq boksshylary jasyndaı jarqyraýǵa ázіr.

Tabıǵat ABAILDAEV.

Comments are closed.

микро займ на карту