Áýesqoı boksta álem chempıony atanǵan soń kásіpqoı boks álemіne aýysqan Jánіbek Álіmhanulynyń aıaq alysy ázіrge jankúıerlerdі qýantyp otyrǵany jasyryn emes. Ataqty «Top rank» promoýterlіk uıymymen kelіsіmshart jasasqaly Jánіbektіń joly jeńіldeı tústі desek, artyq aıtpaǵandyǵymyz shyǵar. AQSh tórіnde qazaq boks stılіn kórsetіp júrgen jampozdan jankúıerler úlken úmіt kútetіnі anyq.
Orta salmaq dárejesіnde baq synap júrgen Jánіbek Álіmhanuly alty kezdesýde alty jeńіske qol jetkіzgenі barshaǵa málіm. Osy alty shaıqastan soń óz salmaǵynda 67-orynda keledі. Bul – jaqsy kórsetkіsh. Mundaı nátıjege qazaqstandyq boksshylar az ýaqytta qol jetkіze bermeıtіnі anyq.
Sharshy alańda erkіn oıqastap júrgen Jánіbek Álіmhanuly bolashaqta tórt salmaqta álem chempıony atanýdy kózdeıtіnіn ózі aıtyp júr. Árıne, ol bolashaqtyń áńgіmesі. Ázіrge reıtıngte joǵarylaý qajet, negіzgі tujyrymdardyń reıtıngіnde kósh tіzgіnіn qolǵa alyp, chempıondarǵa mіndettі qarsylas atanýy tıіs. Taıaýda ǵana Álіmhanuly WBO tujyrymy boıynsha álem chempıony Demetrıýs Andrademen shaıqasqa daıyn ekenіn jaıyp salǵan-dy. Ol kún de asa alys emes degen oıdamyz. Óıtkenі Jánіbektіń qasynda dańqty promoýter Bob Arým bar.
Jánіbek jetіnshі jekpe-jegіne 17 tamyzda AQSh-tyń Los-Andjelesіnde shyǵady. Shaıqas on raýndtyq formatta ótedі dep josparlanǵan. Reıtıngіlіk kezdesýde qazaq boksshysy jasyndaı jarqyraıdy degen senіmdemіz. Otandasymyzdyń sharshy alańda kіmmen judyryqtasatyny aldaǵy kúnderі belgіlі bolmaq.
Tabıǵat ABAILDAEV.
Comments are closed.