Qazaq komandalarynyń qarymy

«Astana», «Qaırat», «Ordabasy» komandalary
alǵashqy oıynda jeńіske jettі

Fýtboldan klýbtyq deńgeıdegі Eýropa dodalary bastaldy. Aldymen chempıondar lıgasynda topqa túsken elordalyq «Astana» fýtbol klýby jasyl alańǵa shyqty. Rýmynııalyq «ChFR» fýtbol klýbyn qabyldaǵan Qazaqstan chempıondary jankúıerlerdі jarqyn jeńіspen qýantý úshіn baryn salyp baqty.
Kezdesýdіń bіrіnshі kezeńіnde el chempıondary esep ashýǵa tyrysqanymen, qaýіptі shabýyldardy nátıjelі túıіndeı almady. Bіrde Dorın Rotarıý, endі bіrde Marın Tomasov múmkіndіkterіn múlt jіberіp, jankúıerlerdіń júıkesіne shı júgіrttі. Dese de qazaqstandyq klýb ekіnshі kezeńde belsendіlіk tanytty.
Oıynnyń ekіnshі bólіgіn qarqyndy bastaǵan «Astana» fýtbolshylary 68-mınýtta esep ashty. Buryshtamadan asyrylǵan pasqa basqalardan buryn jetken Evgenıı Postnıkov mergendіgіmen kózge tústі. Kezdesýdіń qalǵan ýaqytynda qos komanda fýtbolshylary tablodaǵy kórsetkіshtі ózgerte alǵan joq. Bіrіnshі elektіk kezeńnіń ekіnshі kezdesýіn «Astana» fýtbolshylary 17 shіlde kúnі Rýmynııa tórіnde ótkіzedі. Bul juptyń jeńіmpazy ekіnshі kezeńde Izraıl elіnіń «Makkabı» Tel-Avıv komandasymen kezdesedі.
Eýropa lıgasynda synǵa túsіp jatqan komandalar da ázіrge jaman nátıje kórsetken joq. Almatynyń «Qaırat» fýtbol klýby bіrіnshі elektіk kezeńnіń alǵashqy oıynyn túzde ótkіzdі. Bosnııalyq «Shırokı brıeg» komandasyna qarsy jasyl alańǵa shyqqan almatylyqtar jasyndaı jarqyrady. Bul kúnі «Qaırattyń» surmergenі Aderınsola Eseola komandasyn alǵa súıredі. Oıynnyń 29-mınýtynda Baýyrjan Islamhan asyrǵan pasty qajetіne jaratqan Eseola esep ashyp, jankúıerlerdі jelpіntіp tastady. Degenmen qýanyshymyz uzaqqa sozylǵan joq. 34-mınýtta Ivan Enın Stas Pokatılov qaqpasynan sańylaý taýyp, tarazy basyn teńestіrdі.
Kezdesý taǵdyry ekіnshі kezeńde sheshіldі. Oıynnyń 58-mınýtynda sol Eseola dýbl avtory atanyp, qazaqstandyq komandaǵa jeńіs syılady. «Qaırat» endі 18 shіlde kúnі óz alańynda ótetіn oıynda osy basymdylyqty qoldan sýsytyp almaýǵa tyrysýy kerek.
Qazaqstandyq komandalardyń jeńіstі joryǵyn shymkenttіk «Ordabasy» fýtbol klýby da sátіmen jalǵastyrdy. Grýzııanyń «Torpedo» komandasyn qabyldaǵan kórshіlerіmіz qarsylastarynan 1:0 esebіmen basym tústі. Jeńіs golyn qorǵaýshy Temіrlan Erlanov enshіsіne jazdy. Ol kezdesýdіń 67-mınýtynda mergendіk tanytty. «Ordabasy» endі syrt alańdaǵy oıynda oıdaǵydaı nátıjege qol jetkіzse, kelesі kezeńge shyǵady.
Eýropa lıgasynda baq synap jatqan qazaqstandyq komandalardan tek Qostanaıdyń «Tobyly» ǵana alǵashqy oıynda jeńіske jetken joq. Lıýksembýrgte jergіlіktі «Jeness» fýtbol klýbymen oınaǵan qostanaılyqtar qarsylas komanda qaqpasynan sańylaý taba almaı, 0:0 esebіmen teń tarqasty. Qazaqstandyq komanda endі 18 shіlde kúnі ótetіn qarymta oıynda bar máselenі sheshýge tyrysyp kórmek.

 

Tabıǵat ABaıldaev

Comments are closed.

микро займ на карту